Nyuma yo gutandukana na Miss Aurore Kayibanda wanakoze ubukwe mu minsi ishize n’undi mugabo, Mbabazi Egide bakundanye igihe kinini nawe yamaze gusezerana imbere y’amategeko n’inkumi bitegura ku rushinga.
Umuhango wo gusezerana imbere y’amategeko n’iyi nkumi yitwa Clelia, Egide Fox, yawukoreye muri Leta Zunze Ubumwe za Amerika aho asanzwe atuye ndetse amakuru akavuga ko ari naho uyu mukobwa atuye.
Nta makuru menshi Egide Fox yigeze ashaka gutangaza yaba kuri uyu mukobwa cyangwa se ku bukwe bwabo n’amafoto yagiye hanze byatewe n’inshuti zabo zayasakaje ku mbuga nkoranyambaga zibifuriza ibihe byiza.
Egide Fox asezeranye n’umukunzi we nyuma y’imyaka irenga ine atandukanye na Miss Aurore Kayibanda bari barasezeranye kubana akaramata ariko iby’urukundo rwabo bikaza gushyirwaho akadomo mu 2021.
