Umunyarwenya Jose Angel Napi Ondo wamamaye cyane ku mbuga nkoranyambaga agiye gukora igitaramo cyo gusetsa Abanyarwanda kizabera mu kabari ka The Rush.
Uyu munyarwenya ni umwe mu bamaze kubaka izina muri Afurika akaba yarakunzwe cyane binyuze mu mashusho yagendaga yifata akayanyuza ku rubuga rwa Tiktok. Yavukiye muri Nigeria ariko akaba akunze no kuba mu Bwongereza.
Taliki 3 Mata 2025 akaba azakorera igitaramo cy’urwenya mu kabari gaherereye i remera kazwi ku izina rya The Rush Bar. Ibyo birori bizatangira ku isaha ya saa kumi n’ebyiri akaba azabifatanyamo n’umukobwa witwa Naillah.
Nkuramuruge alaphat uhagarariye ako kabari avuga ko uyu mu nyarwenya atigeze abagora ku bijyanye n’imikoranire kuko basanzwe bafitanye umubano wihariye.
Ati “Ntabwo yigeze agorana kuko asanzwe ari umuntu wacu, kugeza ubu twanamaze kumwishyura igisigaye ni uko abantu bazaza kugirango bagorore imbavu zabo.”
Uretse urwo rwenya abazitabira bazaba bashyiriweho n’igabanyirizwa ku giciro haba kubyo kunywa ndetse no kurya.