Byiringiro Samuel uzwi ku izina rya Eesam yinjije mushiki we mu muziki bakorana indirimbo bise ‘Ishene’ bongeramo n’umuhanzi Mr Kagame.
Umuhanzi Eesam na mushiki we Dj Ella
Mushiki wa Eesam witwa Nyinawumuntu Ange Christella asanzwe akora akazi ko kuvanga imiziki, aho akoresha izina rya Dj Ella. Ibi akaba yarabyigiye mu gihugu cya Uganda abona kugaruka kubikorera mu Rwanda.
Nyuma yo kuva kwiga umwuga wo kuvanga imiziki uyu mukobwa yahise akorana indirimbo na musaza we bafatanyije na Mr Kagame.
Eesam avuga ko kugirango bakorane indirimbo ariwe wabitekereje. Ati “Nari mfite gahunda yo gukorana indirimbo n’umu Dj, mpitamo gukorana nawe nk’umuntu duhorana bya hafi kandi ukora ako kazi aho kujya kureba abandi ba kure.”
Indirimbo bakoranye bayise Ishene, aho umusore aba aririmba avuga ko umukobwa yamushyize mu rugo akamufungiranamo ku buryo nta bandi atekereza.
Iyi ndirimbo mu buryo bw’amajwi yatunganyijwe na Producer Green Vibe irangizwa na Bob Pro naho amashusho atunganywa na K Justin.
Nyuma y’iyi ndirimbo umuhanzi Eesam yahise ashyira hanze indi yise ‘Sholi’ yakoranye na Ele Sen utuye muri Leta Zunze Ubumwe za Amerika.
Dj Ella uvukana na Eesam ubu ari gukorera muri Uganda
Eesam yasezeranyije abakunzi be ko azajya asohora indirimbo buri kwezi