{"id":899,"date":"2024-11-11T12:45:36","date_gmt":"2024-11-11T10:45:36","guid":{"rendered":"https:\/\/divvanews.com\/?p=899"},"modified":"2024-11-11T12:45:38","modified_gmt":"2024-11-11T10:45:38","slug":"ibiteye-amatsiko-kuri-squid-game-2-uwayihanze-avuga-ko-yakutse-amenyo-9-mu-gutunganya-iya-mbere","status":"publish","type":"post","link":"https:\/\/divvanews.com\/index.php\/2024\/11\/11\/ibiteye-amatsiko-kuri-squid-game-2-uwayihanze-avuga-ko-yakutse-amenyo-9-mu-gutunganya-iya-mbere\/","title":{"rendered":"Ibiteye amatsiko kuri Squid Game 2: uwayihanze avuga ko yakutse amenyo 9 mu gutunganya iya mbere"},"content":{"rendered":"\n

Uwahanze unayobora filimi y\u2019uruhererekane yakunzwe cyane ku isi ya Squid Game ibivugwa ko yagize umujagararo (stress) mu gutunganya igice cya mbere ku buryo yakutse amenyo atandatu, yahise ankosora vuba vuba, ati; \u201cNi umunani cyangwa icyenda\u201d, araseka.<\/p>\n\n\n\n

\"\"<\/figure>\n\n\n\n

Uyu munyamakuru wa BBC aganira na Hwang Dong-hyuk mu gihe barimo bafata amashusho y\u2019igice cya kabiri cy\u2019izi \u2018series\u2019 zica kuri Netflix, aho amagana y\u2019abantu bashegeshwe n\u2019amadeni barwanira igihembo gikomeye cy\u2019amafaranga bakina imikino y\u2019abana ariko yo gupfa no gukira.<\/p>\n\n\n\n

Gusa igice cya kabiri ntabwo yagitekerezaga. Hari ubwo yarahiye ko atazigera agikora.<\/p>\n\n\n\n

Uhereye kuri \u2018stress\u2019 yatewe n\u2019icya mbere, namubajije icyatumye ahindura ibitekerezo.<\/p>\n\n\n\n

\u201cAmafaranga\u201d, ni ko yansubije atazuyaje.<\/p>\n\n\n\n

Arambwira ati: \u201cNubwo \u2018series\u2019 za mbere zakunzwe cyane ku isi, mu by\u2019ukuri ntabwo nakuyemo menshi. Rero gukora \u2018series\u2019 za kabiri bizanshumbusha ibyo ntabonye mu gice cya mbere\u201d.<\/p>\n\n\n\n

Yongeraho ati: \u201cKandi ntabwo narangije inkuru neza\u201d.<\/p>\n\n\n\n

\u2018Series\u2019 za mbere ni zo kugeza ubu \u2018series\u2019 zarebwe cyane kuri Netflix, ibi byatumye n\u2019izindi filimi n\u2019ibiganiro bica kuri televiziyo byo muri Korea y\u2019Epfo bimenyekana.<\/p>\n\n\n\n

Uburyo Squid Game ivuga ku busumbane mu butunzi byakoze ku mitima ya benshi mu bayirebye ku isi.<\/p>\n\n\n\n

Ariko kuba abayikina hafi ya bose bapfa, byatumye Hwang agomba gutangira bushya ashaka abandi bakinnyi n\u2019indi mikino, kandi ubu akunze iya mbere biteze byinshi kuri iyi.<\/p>\n\n\n\n

Ati: \u201cIgitutu ndiho ubu kiri hejuru kurushaho\u201d.<\/p>\n\n\n\n

\"\"<\/figure>\n\n\n\n

Imyaka itatu nyuma y\u2019uko \u2018series\u2019 za mbere zisohotse, Hwang abona ko ibintu byifashe nabi kurushaho ku isi.<\/p>\n\n\n\n

Avuga ku ntambara ziriho ubu, ingaruka z\u2019ihindagurika ry\u2019ikirere, no kwiyongera kw\u2019ubusumbane mu butunzi.<\/p>\n\n\n\n

Avuga ko ubushyamirane butakiri gusa hagati y\u2019abakire n\u2019abakene, ko buri kugaragara no hagati y\u2019ibiragano (generations), ibitsina (gender) n\u2019impande za politike.<\/p>\n\n\n\n

Ati: \u201cImirongo mishya irimo gucibwa. Turi mu gihe cya Twebwe vs Bo. Ni nde uri mu kuri ni nde wibeshya?\u201d<\/p>\n\n\n\n

Ubwo natemberaga ahantu barimo kuyikinira, hari amadarajya y’amabara, nagize ishusho y\u2019uburyo uko uyu muyobozi wayo abona isi bizaboneka muri izi \u2018series\u2019 barimo gutunganya.<\/p>\n\n\n\n

Muri izi \u2018series\u2019 nshya, uwatsinze mu ziheruka, Gi-hun, agaruka mu mukino asabwa kuwusenya kugira ngo arokore abashya bawujemo.<\/p>\n\n\n\n

Ku bwa Lee Jung-jae, ukina nk\u2019umukinnyi w\u2019imena, ubu \u201carababaye kandi arashishikaye\u201d kurusha mbere.<\/p>\n\n\n\n

Hasi, mu nzu abahatana bararamo nijoro, hagabanyijwemo ibice bibiri.<\/p>\n\n\n\n

Igice imwe gishushanyijemo inyuguti nini cyane ya X, ikindi kirimo uruziga runini rw\u2019ubururu.<\/p>\n\n\n\n

Ubu, nyuma ya buri mukino, abakinnyi bagomba gufata uruhande, niba bashaka kuva mu irushanwa kare kugira ngo barokoke, cyangwa bashaka gukomeza bagakina, mu gihe bazi neza ko umwe cyangwa bose bazapfa. Amahitamo ya benshi ni yo agenderwaho.<\/p>\n\n\n\n

Ibi, bambwiye ko bizatuma barushaho gucikamo ibice no kurwana.<\/p>\n\n\n\n

Ni umwe mu mugambi w\u2019uyiyoboye, Hwang, wo kugaragaza akaga kari mu kuba mu isi ya none y\u2019ivanguramoko ririmo kwiyongera. Rituma abantu bagomba gufata uruhande, ibyo abona ko bihembera amakimbirane.<\/p>\n\n\n\n

Mu gihe hari benshi bakunze cyane igishyika kiri mu nkuru ya Squid Game, hari abandi babonye irimo urugomo rukabije ku buryo bigoye no kuyireba.<\/p>\n\n\n\n

Ariko mu kuganira na Hwang biraboneka neza ko, urugomo ubu barugabanyije. Ni umugabo utekereza kandi witaye cyane kwiyongera kwo kuba ibintu byifashe nabi ku isi.<\/p>\n\n\n\n

Ati: \u201cMu gutunganya iyi \u2018series\u2019, nakomeje kwibaza ngo \u2018ese twe abantu dufite ibisabwa ngo dukure isi muri aka kaga?\u2019. Mu by\u2019ukuri simbizi.\u201d<\/p>\n\n\n\n

Mu gihe abazareba igice cya kabiri cya Squid Game bashobora kutabona igisubizo cy\u2019ibi bibazo bikomeye by\u2019ubuzima, nibura bazabona ibisubizo \u2013 nk\u2019impamvu uyu mukino uriho, n\u2019icyateye umugabo wambaye \u2018mask\u2019 uzwi nka Front Man kuyiyobora.<\/p>\n\n\n\n

Lee Byung-hun, ukina uwo mwanya w\u2019amayobera, ati: \u201cBenshi bazabona byinshi ku hahise ha Front Man, inkuru ye, n\u2019amarangamutima ye.<\/p>\n\n\n\n

\u201cSinibaza ko ibi bizatuma abayireba bamukunda, ariko bishobora kubafasha kumva amahitamo ye\u201d.<\/p>\n\n\n\n

Nk\u2019umwe mu bakinnyi ba filimi b\u2019ibyamamare cyane muri Korea y\u2019Epfo, Lee yemera ko kuba isura n\u2019amaso ye bipfukwa n\u2019ijwi rye rigahindurwa muri \u2018series\u2019 ya mbere, bitari \u201cbinshimishije\u201d.<\/p>\n\n\n\n

\"\"<\/figure>\n\n\n\n

Muri izi nshya hari aho azajya aboneka nta \u2018mask\u2019 yambaye, aho azajya aboneka neza wese avuga \u2013 amahirwe yari hafi kubura.<\/p>\n\n\n\n

Akababaro k\u2019abakora filimi muri Korea y\u2019Epfo<\/h2>\n\n\n\n

Hwang yamaze imyaka 10 agerageza gukora Squid Game, afata amadeni manini ngo abashe gukomeza gutunga umuryango we, mbere y\u2019uko Netflix ishoramo.<\/p>\n\n\n\n

Bamwishyuye amafaranga afatika barayigura, bituma atabasha kugira icyo abona kuri miliyoni hafi 850 z\u2019amadorali iyi filimi yinjirije Netflix.<\/p>\n\n\n\n

Ibi bisobanuye urukundo n\u2019urwango abatunganya filimi bo muri Korea y\u2019Epfo muri iki gihe bafitiye imbuga mpuzamahanga zerekana kandi zigacuruza filimi.<\/p>\n\n\n\n

Mu myaka micye ishize, Netflix yuzuye ku isoko rya Korea ishorayo miliyari z\u2019amadorali, ituma filimi zaho zimenyakana kandi zikundwa ku isi, ariko abazikora basigara bavuga ko nta kinini bakuyemo.<\/p>\n\n\n\n

Bashinja uru rubuga kubahatira gutanga uburenganzira bwabo (Copyright) bwose ku bihangano byabo mu gihe basinye amasezerano y\u2019ubugure.<\/p>\n\n\n\n

Iki ni ikibazo kiri hose ku isi.<\/p>\n\n\n\n

Hambere, abatunganya filimi bacungiraga mafaranga ava mu gucuruza filimi zabo muri \u2018box offices\u2019 cyangwa kwerekanwa kwazo kuri za televiziyo, ariko ibyo ubu byakuweho na \u2018platforms\u2019 rutura zerekana filimi.<\/p>\n\n\n\n

Iki kibazo gishegesha Korea y\u2019Epfo, nk\u2019uko abakora filimi babivuga, kuko amategeko yaho arengera ibihangano atajyanye n\u2019igihe, bityo atabarengera.<\/p>\n\n\n\n

Mu mpeshyi y\u2019uyu mwaka, abakina filimi, abazihanga, n\u2019abazitunganya bishyize hamwe ngo barwanye ibi. Nubwo bishimira ko filimi zabo ubu zimenyekana kw\u2019isi, binubira ko nta cyo bakuramo gifatika kubera izo mbuga zikomeye zizigura.<\/p>\n\n\n\n

Barimo gusaba leta ya Korea y\u2019Epfo guhindura amategeko agenga ibihangano na benebyo kugira ngo kompanyi zibigura zijye ziha benebyo umugabane runaka ku nyungu zibivanamo.<\/p>\n\n\n\n

Mu itangazo, leta ya Korea y\u2019Epfo yabwiye BBC ko nubwo yemera ko hari ibigomba guhinduka, uruganda rwa filimi ubwarwo ari rwo rugomba gukemura iki kibazo.<\/p>\n\n\n\n

Umuvugizi wa Netflix yavuze ko itanga igihembo \u201cgikwiriye\u201d, kandi yizeza abahanzi \u201ckubishyura ibifatika, ibihango byabo byaba byarakunzwe cyangwa bitarakunzwe\u201d.<\/p>\n\n\n\n

Hwang wa Squid Game yizeye ko ibyo na we atishimira mu buryo bagurirwa ibihangano byabo bizatuma haba impinduka.<\/p>\n\n\n\n

Nta kabuza ko Hwang yatumye iyi ngingo irushaho kuvugwa cyane, kandi iki gice cya kabiri arimo gukoraho kizatuma uruganda rwabo ruzamuka kurushaho.<\/p>\n\n\n\n

Gusa mu gihe twongeraga guhura nyuma y\u2019uko gufata amashusho ya Squid Game ya kabiri byararangiye, yavuze ko amenyo ye nanone arimo kumurya.<\/p>\n\n\n\n

Ati: \u201cSindajya kwa muganga wanjye w\u2019amenyo, ariko umenya vuba aha bizaba ngombwa ko bankura ayandi macyeya.\u201d<\/p>\n\n\n\n

\"\"<\/figure>\n\n\n\n

Igice cya kabiri cya Squid Game kizasohoka kuri Netflix tariki 26 Ukuboza(12) 2024.<\/em><\/p>\n\n\n\n

Inkuru ya BBC.<\/p>\n","protected":false},"excerpt":{"rendered":"

Uwahanze unayobora filimi y\u2019uruhererekane yakunzwe cyane ku isi ya Squid Game ibivugwa ko yagize umujagararo (stress) mu gutunganya igice cya mbere ku buryo yakutse amenyo atandatu, yahise ankosora vuba vuba,… <\/p>\n","protected":false},"author":2,"featured_media":900,"comment_status":"open","ping_status":"open","sticky":false,"template":"","format":"standard","meta":{"_seopress_robots_primary_cat":"","_seopress_titles_title":"","_seopress_titles_desc":"","_seopress_robots_index":"","footnotes":""},"categories":[5],"tags":[],"class_list":["post-899","post","type-post","status-publish","format-standard","has-post-thumbnail","hentry","category-imyidagaduro"],"_links":{"self":[{"href":"https:\/\/divvanews.com\/index.php\/wp-json\/wp\/v2\/posts\/899","targetHints":{"allow":["GET"]}}],"collection":[{"href":"https:\/\/divvanews.com\/index.php\/wp-json\/wp\/v2\/posts"}],"about":[{"href":"https:\/\/divvanews.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/divvanews.com\/index.php\/wp-json\/wp\/v2\/users\/2"}],"replies":[{"embeddable":true,"href":"https:\/\/divvanews.com\/index.php\/wp-json\/wp\/v2\/comments?post=899"}],"version-history":[{"count":1,"href":"https:\/\/divvanews.com\/index.php\/wp-json\/wp\/v2\/posts\/899\/revisions"}],"predecessor-version":[{"id":904,"href":"https:\/\/divvanews.com\/index.php\/wp-json\/wp\/v2\/posts\/899\/revisions\/904"}],"wp:featuredmedia":[{"embeddable":true,"href":"https:\/\/divvanews.com\/index.php\/wp-json\/wp\/v2\/media\/900"}],"wp:attachment":[{"href":"https:\/\/divvanews.com\/index.php\/wp-json\/wp\/v2\/media?parent=899"}],"wp:term":[{"taxonomy":"category","embeddable":true,"href":"https:\/\/divvanews.com\/index.php\/wp-json\/wp\/v2\/categories?post=899"},{"taxonomy":"post_tag","embeddable":true,"href":"https:\/\/divvanews.com\/index.php\/wp-json\/wp\/v2\/tags?post=899"}],"curies":[{"name":"wp","href":"https:\/\/api.w.org\/{rel}","templated":true}]}}