Mu mpera z’iki cyumweru imwe mu nkuru zavuzwe cyane ni ijyanye n’amafoto y’abakinnyi ba sinema bari bakereye ibirori byo gusoza umwaka byateguwe na Zacu Entertainment.
Ibi biorori byabereye muri Kigali City Tower, ahari hakoraniye umubare munini w’abakinnyi ba sinema biganjemo abasanzwe bakorana n’ikigo Zacu Entertainment.
Iki gikorwa cyari kigamije gushimira abakinnyi, abatunganya filime, abafatanyabikorwa ndetse na buri wese wafashije iki kigo mu mwaka wa 2024.
Mu ijambo rye, Wilson Misago, Umuyobozi Mukuru wa ZACU Entertainment, yashimiye uruhare
rw’abafatanyabikorwa mu kugera ku ntego zabo anagaruka ku byagezweho kuva ZACU TV
yatangizwa mu mwaka wa 2022.
Uretse gushimira abagize uruhare mu bikorwa bakoze mu 2024, ubuyobozi bwa Zacu Entertainment bwaboneyeho no guteguza imishinga mishya bateganya gushyira mu bikorwa mu 2025.
