Umuhanzikazi Bwiza Emerance yakoranye indirimbo na Senderi basubiramo iyo uyu muhanzi yari asanzwe afite yamenyekanye yitwa Iyo twicaranye.
‘Iyo twicaranye’ ni indirimbo yari yarakozwe n’umuhanzi Senderi Hit, yarakunzwe cyane mu baturage kuko ahanini yaririmbaga ku bikorwa byo kubaka igihugu.
Muri iyi minsi Abanyarwanda bitegura igikorwa cy’amatora y’umukuru w’igihugu uyu muhanzi yasubiyemo iyi ndirimbo afatanyije na Bwiza Emerance usanzwe afashwa n’inzu ya KIKAC Music.
Iyi ndirimbo mu buryo bw’amajwi yatunganyijwe na Producer Prince Kiiz, amashusho yo atunganywa na Djariru Hassan.