Bivugwa ko se w’umukinyi rurangiranwa w’umupira w’amaguru muri Espagne w’imyaka 17, Lamine Yamal yatewe ibyuma kenshi ari muri parikingi.
Inkuru ziva mu binyamakuru byo muri Espagne zivuga ko Mounir Nasraoui yatewe ari mu gace ka Mataró, mu burengerazuba bwa Barcelone, ku musi wa gatatu mw’ijoro.
Igipolisi cya Espagne cyemeje ko abantu batatu bahagaritswe ku musi wa gatatu, uwundi wa kane akaba yahagaritswe ku musi wa kane mu gitondo.
Nasraoui yahise ajyanwa kwa muganga i Barcelone arembye cyane ariko ubu bivugwa ko arimo kugenda yoroherwa.
Mbere y’ibi, bivugwa ko Nasraoui yari yagiranye ikibazo n’abantu bahuye mu gitondo ari gutembereza imbwa, nk’uko byandikwa n’ikinyamakuru El Pais cyo muri Espagne.
Nyuma yegerewe nako gatsiko k’amabandi bamusanze muri parikingi aba aribwo bamutera ibyuma.
Icyatumye bamutera ibyuma na n’ubu ntikiramenyekana.