Butera Knowless utegerejwe mu gitaramo kizabera muri ‘Nomad bar and grill’ muri Uganda, yamaze kugera mu Mujyi wa Kampala.
Akigera ku kibuga mpuzamahanga cy’indege cya ‘Entebbe’, Butera Knowless yakiriwe n’Abanyarwanda batuye mu Mujyi wa Kampala.
Byitezwe ko Butera Knowless azataramira ahitwa muri ‘Nomad bar and grill’ ku wa 11 Ukuboza 2024.
Butera Knowless agiye gutaramira muri ‘Nomad bar and grill’ abisikana na Producer Element wahataramiye mu Cyumweru gishize, ku wa 24 Ugushyingo 2024.
Knowless agiye gutaramira i Kampala, nyuma y’uko ku wa 10 Ukwakira 2024 yataramiye muri Leta Zunze Ubumwe za Amerika mu gitaramo cya ‘African Rythms’ gitegurwa n’umuryango ‘Global Livingston Institute’, cyabereye muri Leta ya Colorado.
