Umuhanzi w’icyamamare wo muri Amerika uzwi mu ndirimbo zituje Lionel Richie agiye gukorera igitaramo mu gihugu cy’abaturanyi cya Uganda.
Uyu muhanzi w’imyaka 75 azwi mu ndirimbo nka ‘We Are the World, Say You, Say Me, Endless Love, Stuck on you n’izindi nyinshi.
Amakuru y’igitaramo cye yahamijwe na Minisitiri w’Ubutabera muri Uganda, Mr. Norbert Mao avuga ko uwo munyabigwi azahataramira mu gice cy’ubukangurambaga bwiswe “Adventure of Humanity” buzakorwa mu rwego rwo kuzamura ubumwe ku Isi no kurengera ibidukikije, buzabera kuri Kaunda Grounds i Gulu City kuva ku itariki ya 30 z’ukwezi kwa gatanu kugera 09 z’ukwezi kwa gatandatu 2025.