Umuhanzi Bruce Melodie yashyize hanze indirimbo nshya yise ‘Sowe’ yatunganyijwe na bamwe mu bahanga bakorera abahanzi bakomeye muri Afurika.
Uwatunganyije iyi ndirimbo ya Melodie bamwita Perliks ni umwe mu basore bakorana na sosiyete yitwa ‘Nouvelle films’ isanzwe ikorana n’ibindi bigo bikomeye mu gufasha abahanzi muri Afurika nka Empire, Mavin Records, EmPower, Marlian Music n’ibindi.
Yakoze ku ndirimbo nka Charm ya Rema, City boys ya Burna Boy n’izindi zitandukanye.
Sosiyete yitwa ‘Nouvelle films’ yari ifite isoko ryo gutunganya amashusho y’indirimbo ya Bruce Melodie, yashinzwe n’abarimo Femi Dapson wanagize uruhare mu ikorwa ryayo.
Uretse aba bakoze ku ndirimbo nshya ya Bruce Melodie bafite amazina akomeye, mu buryo bw’amajwi yakozwe na Saxbarrister umunya-Nigeria ukunze no kwiyita Mighty Man akaba umuhanga mu gucuranga Saxophone.
Uyu ni nawe uherutse gucuranga mu ndirimbo ‘Call me every day’ ya Chris Brown na Wizkid n’izindi.